September 2017

ബെംഗളൂരു:ബെംഗളൂരുവിൽ മലയാളി വിദ്യാർത്ഥിയായ ശരത്തിനെ തട്ടിക്കൊണ്ടുപോയി കൊലപ്പെടുത്തിയത് സ്വന്തം സുഹൃത്ത് തന്നെ.ശരത്തിനെ കാണാതായത് മുതൽ നടന്ന അന്വേഷണത്തിൽ മുന്പന്തിയിലുണ്ടായിരുന്ന വിശാലാണ് തട്ടിക്കൊണ്ടുപോകലിന് നേതൃത്വം നൽകിയത്.ശരത്തിന്റെ സുഹൃത്തും സഹോദരിയുടെ സഹപാഠിയുമായിരുന്ന ഇയാൾ ശരത്തിന്റെ വീട്ടിലെ നിത്യസന്ദർശകനായിരുന്നു.പെട്ടെന്ന് പണം സമ്പാദിക്കാനുള്ള ആഗ്രഹമാണ് ഇയാളെ സ്വന്തം സുഹൃത്തിനെ തട്ടിക്കൊണ്ടുപോകാനും കൊലപ്പെടുത്താനും പ്രേരിപ്പിച്ചത്.

മലപ്പുറം:ഒക്ടോബർ 11 ന് നടക്കുന്ന വേങ്ങര ഉപതിരഞ്ഞെടുപ്പിൽ  മത്സരിക്കുന്നതിനായി 14 പേർ നാമനിർദേശ പത്രിക നൽകി.ഇന്നലെയായിരുന്നു പത്രിക സമർപ്പിക്കുന്നതിനുള്ള അവസാന തീയതി.25 നാണു പത്രിക സൂക്ഷമ പരിശോധന നടത്തുക.27 വരെ പത്രിക പിൻവലിക്കാൻ അവസരമുണ്ട്.കെ.എൻ.എ ഖാദർ(യുഡിഎഫ്),പി.പി ബഷീർ(എൽഡിഎഫ്),കെ.ജനചന്ദ്രൻ(എൻഡിഎ) എന്നിവരാണ് പ്രധാന സ്ഥാനാർത്ഥികൾ.കെ.എൻ.എ ഖാദറിന് വിമതനും പത്രിക നൽകിയിട്ടുണ്ട്.വേങ്ങര മണ്ഡലം നിലവിൽ വന്നതിനു ശേഷമുള്ള മൂന്നാമത്തെ തിരഞ്ഞെടുപ്പാണിത്.മലപ്പുറം ലോക്സഭാ ഉപതിരഞ്ഞെടുപ്പിൽ ജയിച്ച പി.കെ കുഞ്ഞാലിക്കുട്ടി എം എൽ എ സ്ഥാനം രാജി വെച്ചതിനെ തുടർന്നാണ് വേങ്ങരയിൽ ഉപതിരഞ്ഞെടുപ്പ് നടക്കുന്നത്.

കാഞ്ഞിരംകുളം:അഞ്ചു വയസ്സുകാരൻ കിണറ്റിൽ മരിച്ച നിലയിൽ കണ്ടെത്തി.പുല്ലുവിള ചെമ്പകരാമൻ തുറ പുരയിടത്തിൽ മുത്തയ്യൻ-സെൽവി ദമ്പതികളുടെ മകൻ സാജൻ ആണ് കിണറ്റിൽ വീണു മരിച്ചത്.വീട്ടുമുറ്റത്തു കളിച്ചുകൊണ്ടിരിക്കുകയായിരുന്ന സാജനെ കാണാതായതിനെ തുടർന്ന് നടത്തിയ തിരച്ചിലിൽ വീടിനു സമീപത്തെ ഉപയോഗ ശൂന്യമായ പഞ്ചായത്ത് കിണറ്റിൽ മരിച്ച നിലയിൽ കണ്ടെത്തുകയായിരുന്നു.വിവരമറിഞ്ഞ് ഫയർഫോഴ്‌സെത്തി മൃതദേഹം പുറത്തെടുത്തു.അപകടം നടന്ന കിണർ ചപ്പുചവറുകൾ തള്ളാനാണ് ഉപയോഗിക്കുന്നതെങ്കിലും മൂന്നടിയോളം വെള്ളമുണ്ടായിരുന്നുവെന്നു ഫയർ ഫോഴ്‌സ് പറഞ്ഞു.പുല്ലുവിള സ്വദേശിയായ മുത്തയ്യനും കുടുംബവും രണ്ടാഴ്ച മുൻപാണ് ഇവിടേക്ക് താമസം മാറിയത്.

കൊച്ചി:നടി ആക്രമിക്കപ്പെട്ട കേസിൽ ദിലീപിനെ കുടുക്കിയത് സിനിമ കുടുംബത്തിൽ നിന്നുള്ള അഹങ്കാരിയായ യുവനടനെന്ന് പി.സി ജോർജ്.എന്നാൽ നടന്റെ പേര് വെളിപ്പെടുത്താൻ പി.സി ജോർജ് തയ്യാറായില്ല.പൃഥ്‌വി രാജാണോ എന്ന ചോദ്യത്തിന് ചിരിയായിരുന്നു മറുപടി.പൃഥ്‌വിക്ക് ദിലീപിനെ കുടുക്കേണ്ട ആവശ്യം എന്താണെന്നു പിന്നീട് തെളിയുമെന്നും പി.സി ജോർജ് പറഞ്ഞു.പൃഥ്‌വി രാജിന്റെ പേര് പറയാത്തത് കേസ് ഭയന്നാണോ എന്ന ചോദ്യത്തിന് അല്ല എന്നും   ദിലീപിനെ കുടുക്കിയതിൽ നടന് വ്യക്തമായ പങ്കുണ്ടെന്നും പി.സി ജോർജ് ആരോപിക്കുന്നു.സംവിധായകൻ ശ്രീകുമാർ മേനോനെതിരെയും പി.സി ജോർജ് ആരോപണം ഉന്നയിക്കുന്നുണ്ട്.ദിലീപിന്റെ കുടുംബം കലക്കിയത് ശ്രീകുമാർ മേനോനാണെന്നും തന്റെ ആരോപണം തെറ്റാണെങ്കിൽ ശ്രീകുമാർ കേസ് കൊടുക്കട്ടെ എന്നും പി.സി ജോർജ് പറഞ്ഞു.