തൊടുപുഴ:ശക്തമായ ജനരോഷത്തെത്തുടർന്ന് നടൻ ദിലീപിന്റെ തൊടുപുഴയിലെ തെളിവെടുപ്പ് പൂർത്തിയാക്കാനായില്ല.ജനങ്ങൾ പ്രതിഷേധവുമായി എത്തിയതിനെ തുടർന്ന് ദിലീപിനെ വാഹനത്തിൽ നിന്നും പുറത്തിറക്കാൻ കഴിയാതെ പൊലീസിന് പിൻവാങ്ങേണ്ടി വന്നു.തൊടുപുഴ ശാന്തിഗിരി കോളേജിലെ തെളിവെടുപ്പാണ് ജനരോഷം കാരണം മുടങ്ങിയത്.ദിലീപ് നായകനായ ജോർജേട്ടൻസ് പൂരം എന്ന സിനിമയുടെ ലൊക്കേഷൻ ആയിരുന്നു ഇത്.ഇവിടെ ഷൂട്ടിങ്ങിനിടെ പൾസർ സുനിയുമായി ദിലീപ് ഗൂഢാലോചന നടത്തിയതായി പോലീസ് കണ്ടെത്തിയിരുന്നു.
കൊച്ചി:ദിലീപ് രൂപീകരിച്ച തീയേറ്റർ ഉടമകളുടെ സംഘടനയായ ഫിയോക് ന്റെ പ്രെസിഡന്റായി ആന്റണി പെരുമ്പാവൂരിനെ തിരഞ്ഞെടുത്തു.നേരത്തെ ദിലീപായിരുന്നു സംഘടനയുടെ പ്രസിഡന്റ്.എന്നാൽ നടി ആക്രമിക്കപ്പെട്ട സംഭവത്തിൽ കുറ്റക്കാരനാണെന്നു തെളിഞ്ഞതോടെ ദിലീപിനെ സംഘടനയിൽ നിന്നും പുറത്താക്കുകയായിരുന്നു.നേരത്തെ ലിബർട്ടി ബഷീറിന്റെ നേതൃത്വത്തിലുള്ള സംഘടന പിളർത്തിയാണ് ദിലീപ് പുതിയ സംഘടനയ്ക്ക് രൂപം നൽകിയത്.സിനിമ സമരത്തിന്റെ പശ്ചാത്തലത്തിലായിരുന്നു ദിലീപിന്റെ നീക്കം.
കാസർകോഡ്:ഫിസിയോതെറാപ്പിക്കിടെ എൻഡോസൾഫാൻ ഇരയായ കുഞ്ഞിന്റെ കൈയും കാലും ഒടിഞ്ഞു.കാസർകോഡ് ജില്ലയിലെ ജനറൽ ആശുപത്രിയിലാണ് സംഭവം.ആദൂർ സ്വദേശി അബ്ദുൽ റസാക്കിനാണ്(12) ഈ ദുരവസ്ഥ ഉണ്ടായത്.കഴിഞ്ഞ വെള്ളിയാഴ്ചയാണ് സന്ധി വേദനയെ തുടർന്ന് അബ്ദുൽ റസാക്കിനെ ആശുപത്രിയിൽ എത്തിച്ചത്.തുടർന്ന് കുട്ടിയെ ഫിസിയോതെറാപ്പിക്ക് വിധേയനാക്കി.ചികിത്സ കഴിഞ്ഞു വീട്ടിലെത്തിയ കുട്ടി കൈക്കും കാലിനും വേദനയുണ്ടെന്നു വീട്ടുകാരെ അറിയിച്ചു.ഇതേതുടർന്ന് തിങ്കളാഴ്ച ആശുപത്രിയിലെത്തി എക്സ്റേ എടുത്തു.അപ്പോഴാണ് കൈക്കും കാലിനും പൊട്ടലുണ്ടെന്നു തെളിഞ്ഞത്.നീർക്കെട്ട് ഉണ്ടായതിനെ തുടർന്ന് ഡോക്ടറുടെ നിർദേശ പ്രകാരം ബുധനാഴ്ചയാണ് പ്ലാസ്റ്റർ ഇട്ടത്.അശ്രദ്ധമായ ഫിസിയോതെറാപ്പിയാണ് കുട്ടിയുടെ കൈയും കാലും ഒടിയാൻ കാരണമെന്നു രക്ഷിതാക്കൾ ആരോപിക്കുന്നു.എന്നാൽ ചികിത്സയ്ക്കിടെയല്ല അസ്ഥി ഒടിഞ്ഞതെന്നും നേരത്തെ തന്നെ ആസ്തി ഒടിഞ്ഞിരിക്കാം എന്നും ആശുപത്രി അധികൃതർ പറയുന്നു.എൻഡോസൾഫാൻ ബാധിതരുടെ അസ്ഥിക്ക് ബലക്ഷയം ഉണ്ടാകാമെന്നും അതിനാൽ വളരെ ശ്രദ്ധയോടെയാണ് ഫിസിയോതെറാപ്പി ചെയ്തതെന്നും ആശുപത്രി അധികൃതർ വ്യക്തമാക്കുന്നു.
തിരുവനന്തപുരം:വേതന വർദ്ധനവ് ഉൾപ്പെടെയുള്ള ആവശ്യങ്ങൾ ഉന്നയിച്ചു കൊണ്ട് നഴ്സുമാർ നടത്തുന്ന സമരം കൂടുതൽ ശക്തമാകുന്നു.സെക്രെട്ടറിയേറ്റിനു മുന്നിൽ നടക്കുന്ന സമരത്തിൽ ഇന്നും നൂറു കണക്കിന് നഴ്സുമാർ അണി നിരന്നു.സർക്കാർ നടപ്പാക്കിയ ശമ്പള വർദ്ധനവ് പര്യാപ്തമല്ലെന്നും 20,000 രൂപ അടിസ്ഥാന ശമ്പളം നല്കാൻ തയ്യാറാകുന്നില്ലെങ്കിൽ തിങ്കളാഴ്ച്ച മുതൽ അനിശ്ചിതകാല സമരം തുടങ്ങാനുമാണ് യു.എൻ.എ,ഐ.എൻ.എ എന്നീ സംഘടനകളുടെ തീരുമാനം.തിങ്കളാഴ്ച മുതൽ സമരം ശക്തമായാൽ സംസ്ഥാനത്തെ 360 ഓളം സ്വകാര്യ ആശുപത്രികളുടെ പ്രവർത്തനം താറുമാറാകും.അത്യാഹിത വിഭാഗത്തിലെ ജോലിയിൽ നിന്ന് പോലും മാറിനിന്നു പ്രതിഷേധം ശക്തമാക്കാനാണ് നഴ്സുമാരുടെ സംഘടന തീരുമാനിച്ചിരിക്കുന്നത്.അങ്ങനെ വന്നാൽ സംസ്ഥാനത്തെ ആരോഗ്യ മേഖല സ്തംഭിക്കുന്ന സ്ഥിതിയിലേക്ക് മാറും.ആരോഗ്യ മേഖലയിലെ സ്തംഭനം ഒഴിവാക്കാൻ സർക്കാർ ആശുപത്രികളിൽ സൗജന്യ സേവനം നല്കാൻ തയ്യാറാണെന്നും തുച്ഛമായ ശമ്പളത്തിൽ ഇനി സ്വകാര്യ ആശുപത്രികളിൽ ജോലി ചെയ്യില്ല എന്നും നഴ്സുമാർ പ്രഖ്യാപിച്ചു കഴിഞ്ഞു.
രാമേശ്വരം:തമിഴ്നാട്ടിൽ സർക്കാർ ബസ്സിന് നേരെയുണ്ടായ കല്ലേറിൽ 20 പേർക്ക് പരിക്ക്.കഴിഞ്ഞ ദിവസം തങ്കച്ചി മഠത്തിൽ മത്സ്യത്തൊഴിലാളി മരിച്ചതുമായി ബന്ധപ്പെട്ടായിരുന്നു ആക്രമണം.രണ്ടു ബസ് ഡ്രൈവർമാർക്ക് കല്ലേറിൽ ഗുരുതരമായി പരിക്കേറ്റു.സംഘർഷവുമായി ബന്ധപ്പെട്ട് പതിനൊന്നു പേരെ പോലീസ് അറസ്റ്റ് ചെയ്തു.ചൊവ്വാഴ്ച രാത്രി മത്സ്യത്തൊഴിലാളി സഞ്ചരിച്ചിരുന്ന ബൈക്ക് സർക്കാർ ബസ്സിലിടിച്ചു മത്സ്യത്തൊഴിലാളി മരിച്ചിരുന്നു.അപകടത്തിൽ അദ്ദേഹത്തിന്റെ ഭാര്യക്കും ഗുരുതരമായി പരിക്കേറ്റിരുന്നു.
ന്യൂഡൽഹി:ഐ.എസ് ബന്ധമുള്ള കണ്ണൂർ സ്വദേശിയെ ഡൽഹി വിമാനത്താവളത്തിൽ പോലീസ് അറസ്റ്റ് ചെയ്തു.തുർക്കിയിൽ നിന്നും നാടുകടത്തിയ ഇയാളിൽ നിന്നും വ്യാജ പാസ്സ്പോർട്ടും പിടിച്ചെടുത്തു.അമേരിക്കൻ രഹസ്യാന്വേഷണ ഏജൻസിയായ സി.ഐ.എ നൽകിയ വിവരത്തെ തുടർന്നാണ് ഡൽഹി പൊലീസിലെ പ്രത്യേക വിഭാഗം ഇയാളെ കസ്റ്റഡിയിലെടുത്തത്. വഞ്ചന,വ്യാജരേഖ ചമയ്ക്കൽ,ആൾമാറാട്ടം തുടങ്ങിയ കുറ്റങ്ങൾക്കാണ് ഇയാൾക്കെതിരെ കേസ് രെജിസ്റ്റർ ചെയ്തിരിക്കുന്നത്.വ്യാജ പാസ്സ്പോർട്ടുമായി തുർക്കിയിൽ നിന്നും സിറിയയിലേക്ക് കടക്കാൻ ശ്രമിച്ച ഇയാളെ നാടുകടത്തുകയായിരുന്നു എന്നാണ് ഇന്റലിജൻസ് നൽകിയ വിവരം.കേരളത്തിൽ നിന്നും ഐ.എസ്സിൽ ചേർന്ന ആളുകളുമായി ഇയാൾക്ക് ബന്ധമുണ്ടെന്ന് സംശയിക്കുന്നതായി പോലീസ് പറഞ്ഞു.
തിരുവനന്തപുരം:കോഴി വില കുറക്കാനുള്ള സര്ക്കാര് നീക്കം വീണ്ടും പരാജയം.ചിക്കന് കിലോ 87 രൂപക്ക് വില്ക്കണമെന്ന സര്ക്കാര് നിര്ദേശത്തിന് വിരുദ്ധമായി 115 മുതല് 130 രൂപ വരെയാണ് ഇന്നത്തെ വിപണി വില. ഇറച്ചിക്കും 2 രൂപ കൂട്ടിയാണ് വില്ക്കുന്നത്.87 രൂപയ്ക്കു കോഴി നല്കാൻ കഴിയില്ലെന്ന് കാണിച്ച് നേരത്തെ കോഴി വ്യാപാരികൾ സമരത്തിലായിരുന്നു.തുടർന്ന് ധനമന്ത്രി തോമസ് ഐസക്കുമായി നടത്തിയ ചർച്ചയിലൂടെ സമരം അവസാനിപ്പിക്കുകയും ബുധനാഴ്ച മുതൽ 87 രൂപയ്ക്ക് കോഴി വിൽക്കാൻ തയ്യാറാകുകയുമായിരുന്നു.എന്നാല് തിരുവനന്തപുരം പാളയം മാര്ക്കറ്റില് ഇന്ന് ചിക്കന്റെ വില 130 രൂപ. ഇറച്ചിക്ക് 160 രൂപയും. വടക്കന് കേരളത്തില് ചിക്കന് വില്ക്കുന്നില്ല, ഇറച്ചിക്ക് 160 രൂപയാണ്.സംസ്ഥാനത്താകെ 115 മുതല് 130 രൂപ വരെയാണ് വില നിലവാരം. കഴിഞ്ഞ ദിവസം വരെ 143 ആയിരുന്നു കോഴിക്ക് വില.
മംഗളൂരു:കർണാടക ആർ.ടി.സി ബസ്സിൽ പ്രായപൂർത്തിയാകാത്ത പെൺകുട്ടി ജീവനക്കാരുടെ ക്രൂരബലാത്സംഗത്തിനിരയായി.കേസിൽ മൂന്നു ജീവനക്കാരെ പോലീസ് അറസ്റ്റ് ചെയ്തു.ജൂലൈ അഞ്ചിന് രാത്രിയായിരുന്നു സംഭവം.മണിപ്പാലിൽ നിന്നും റാണെബന്നൂരിലെ ബന്ധു വീട്ടിലേക്കു പോവുകയായിരുന്ന പെൺകുട്ടിയാണ് പീഡനത്തിനിരയായത്.അമ്മയാണ് കുട്ടിയെ ബസ്സിൽ കയറ്റി വിട്ടത്.രാത്രി ഒൻപതരയോടെ റാണെബന്നൂരിലെത്തേണ്ടതായിരുന്നു ബസ്.മറ്റു യാത്രക്കാരെല്ലാം ഇറങ്ങിയപ്പോൾ ബസ്സിൽ പെൺകുട്ടിയും ജീവനക്കാരും മാത്രമാവുകയായിരുന്നു.റാണെബന്നൂർ എത്തുന്നതിനു മുൻപുള്ള വിജനമായ സ്ഥലത്തെത്തിയപ്പോൾ ബസ് ഇരുട്ടത്ത് നിർത്തിയ ശേഷം മൂന്നു ജീവനക്കാരും ചേർന്ന് പെൺകുട്ടിയെ ബലാത്സംഗം ചെയ്യുകയായിരുന്നു.രാത്രി തന്നെ പെൺകുട്ടി ബന്ധുവീട്ടിലെത്തിയെങ്കിലും ജൂലൈ എട്ടിന് വീട്ടിൽ തിരിച്ചെത്തിയ ശേഷമാണു സംഭവത്തെ കുറിച്ച് മാതാപിതാക്കളോട് പറയുന്നത്.