തിരുവനന്തപുരം:സംസ്ഥാനത്തു കനത്ത മഴ തുടരുന്നു.ജാഗ്രത പാലിക്കണമെന്ന് ദുരന്ത നിവാരണ അതോറിറ്റിയുടെ മുന്നറിയിപ്പ്.ഹൈറേഞ്ചിലേക്കു പോകുന്ന സഞ്ചാരികൾ നദികളുടെയും അരുവികളുടെയും സമീപത്തു പോകരുതെന്നും മുന്നറിയിപ്പുണ്ട്.ഇടുക്കി അണക്കെട്ടിലെ ജലനിരപ്പ് രണ്ടടി ഉയർന്നു.കനത്ത മഴയ്ക്കും കാറ്റിനും സാധ്യതയുള്ളതിനാൽ മത്സ്യത്തൊഴിലാളികളും മലയോര പ്രദേശങ്ങളിൽ ഉള്ളവരും ജാഗ്രത പാലിക്കണമെന്ന് ദുരന്ത നിവാരണ സേന നിർദേശിച്ചു.
മലപ്പുറം:നിരോധിച്ച നോട്ടുകളുമായി നാലംഗസംഘത്തെ മലപ്പുറം തലപ്പാറയിൽ വെച്ച് പോലീസ് പിടികൂടി.വാഹന പരിശോധനയ്ക്കിടെയാണ് അസാധു നോട്ടുകളുമായി കാറിൽ യാത്ര ചെയ്യുകയായിരുന്ന യുവാക്കളെ പോലീസ് പിടികൂടിയത്.കോഴിക്കോട് ഫാറൂഖ് സ്വദേശി ഫിൻസിർ,ബാലുശ്ശേരി സ്വദേശി ഷിജിത്,മലപ്പുറം സ്വദേശി ഷഹാദ്,താനൂർ സ്വദേശി സലാഹുദ്ധീൻ എന്നിവരാണ് പിടിയിലായത്.ഇരുപത്തിരണ്ടു ലക്ഷം രൂപ നൽകി ചെന്നൈയിൽ നിന്നാണ് നിരോധിച്ച നോട്ടുകൾ വാങ്ങിയതെന്ന് പിടിയിലായവർ പോലീസിനോട് സമ്മതിച്ചിട്ടുണ്ട്.പ്രവാസികൾക്കുള്ള ഇളവ് പ്രയോജനപ്പെടുത്തി നോട്ടുകൾ മാറ്റിയെടുക്കാനാണ് സംഘം പണം കൊണ്ടുവന്നത്.
തൃശൂർ: കൊച്ചിയിൽ ആക്രമിക്കപ്പെട്ട സംഭവവുമായി ബന്ധപ്പെട്ട് നടി പോലീസിന് വീണ്ടും മൊഴി നല്‍കി. വിശദമായ മൊഴിയില്‍ സിനിമയില്‍ താന്‍ ഇതുവരെ നേരിടേണ്ടി വന്ന പ്രതിസന്ധികളെക്കുച്ച് തുറന്ന് പറഞ്ഞിട്ടുണ്ടെന്നാണ് റിപ്പോര്‍ട്ടുകള്‍. ഒരു മാസം നീണ്ട അന്വേഷണത്തിന് ശേഷമാണ് നടിയുടെ മൊഴി രേഖപ്പെടുത്തിയത്.ഒരു ടെലിവിഷൻ ചാനലില്‍ ദിലീപ് നടത്തിയ പരാമര്‍ശങ്ങള്‍ക്കെതിരെ നടി പരാതി നല്‍കുമെന്നും സൂചനയുണ്ട്. കേസിലെ പ്രതി പള്‍സര്‍ സുനിയുമായി നടിക്ക് അടുത്ത സൗഹൃദമുണ്ടെന്നായിരുന്നുവെന്നാണ് ദിലീപ് പറഞ്ഞത്. ‘അവര്‍ ഭയങ്കര അടുപ്പത്തിലായിരുന്നു. ഗോവയില്‍ ഒരുമിച്ച് പ്രവര്‍ത്തിച്ചിട്ടുണ്ട്. അതാണ് അപകടത്തിലേക്ക് വഴിവെച്ചത്’- ഇതായിരുന്നു ദിലീപിന്റെ പരാമര്‍ശം.
കണ്ണൂർ:പനിയെയും പകർച്ചവ്യാധികളെയും പ്രതിരോധിക്കാനുള്ള പരിസര ശുചീകരണ പ്രവർത്തനങ്ങൾക്ക് സംസ്ഥാനത്തു തുടക്കമായി.മൂന്ന് ദിവസത്തെ ശുചീകരണ പ്രവർത്തനങ്ങളുടെ സംസ്ഥാനതല ഉൽഘാടനം കണ്ണൂർ കോർപറേഷനിൽ മുഖ്യമന്ത്രി പിണറായി വിജയൻ നിർവഹിച്ചു.സി.പി.ഐ.എം സംസ്ഥാന സെക്രട്ടറി കോടിയേരി ബാലകൃഷ്ണൻ തിരുവനന്തപുരം ജനറൽ ആശുപത്രിയിൽ ശുചീകരണ പ്രവർത്തനങ്ങൾക്ക് നേതൃത്വം നൽകി.മന്ത്രിമാർ,എം.പി മാർ ,എം.എൽ.എ മാർ,മറ്റു ജനപ്രതിനിധികൾ,രാഷ്ട്രീയ പാർട്ടി നേതാക്കൾ,വിവിധ സാമൂഹ്യ,സാംസ്‌കാരിക പ്രവർത്തകർ തുടങ്ങിയവരെല്ലാം വിവിധ പ്രദേശങ്ങളിൽ ശുചീകരണ പ്രവർത്തനങ്ങളിൽ അണിചേർന്നു.ആശുപത്രികൾ,ബസ്‌സ്റ്റാന്റുകൾ,സ്കൂൾ-കോളേജ് പരിസരങ്ങൾ,റോഡിന്റെ ഇരുവശങ്ങൾ,സർക്കാർ സ്ഥാപനങ്ങൾ തുടങ്ങിയ സ്ഥലങ്ങളിൽ ഇന്ന് മുതൽ ശുചീകരണം നടക്കും.സ്കൂൾ-കോളേജ് വിദ്യാർഥികൾ ,കുടുംബശ്രീ പ്രവർത്തകർ,എൻ.സി.സി കേഡറ്റുകൾ,സ്റ്റുഡന്റ് പോലീസ്,സ്‌കൗട്ട്,പോലീസ് അസോസിയേഷൻ തുടങ്ങിയവരും ശുചീകരണ പ്രവർത്തനങ്ങളിൽ പങ്കാളികളാവുന്നുണ്ട്.പകർച്ചപ്പനി തടയാൻ ശുചീകരണവും ദുരിതാശ്വാസവുമടക്കമുള്ള പ്രവർത്തനങ്ങളിൽ സർക്കാരുമായി സഹകരിച്ചു രംഗത്തിറങ്ങാൻ എല്ലാ വിഭാഗം ജനങ്ങളോടും മുഖ്യമന്ത്രി അഭ്യർത്ഥിച്ചു.
കട്ടപ്പന:ഇടുക്കിയിൽ ഇന്ന് എസ്.എൻ.ഡി.പി ഹർത്താൽ.രാവിലെ ആറു മുതൽ വൈകിട്ട് ആറു വരെയാണ് ഹർത്താൽ.ഞായറാഴ്ച നെടുങ്കണ്ടം ശാഖാ യോഗത്തിൽ നടന്ന തിരഞ്ഞെടുപ്പിൽ ഔദ്യോഗിക പാനൽ വിജയിച്ചതിന്റെ തുടർന്ന് ആയിരുന്നു സംഘർഷം.പുറത്തുനിന്നെത്തിയ സി.പി.എം പ്രവർത്തകർ ഓഫീസിനു നേരെ അക്രമം നടത്തുകയും ക്ഷേത്രത്തിനു നേരെ കല്ലെറിയുകയും ചെയ്യുകയായിരുന്നു,തുടർന്നാണ് ഹർത്താൽ ആഹ്വാനം ഉണ്ടായത്
കോഴിക്കോട്:കൈവശ ഭൂമിക്ക് നികുതി സ്വീകരിക്കാത്തതിൽ മനംനൊന്ത് കർഷകൻ ആത്മഹത്യ ചെയ്ത കേസിൽ പ്രതിയായ വില്ലജ് അസിസ്റ്റന്റ് സലീഷ് പോലീസിൽ കീഴടങ്ങി.ഒളിവിലായിരുന്ന സലീഷ് ഇന്നലെ രാത്രി വൈകിയാണ് പേരാമ്പ്ര സി.ഐ ക്കു മുൻപിൽ കീഴടങ്ങിയത്.ആത്മഹത്യ പ്രേരണ കുറ്റം അടക്കമുള്ളവ സലീഷിനെതിരെ ചുമത്തിയിട്ടുണ്ട്.ഇയാൾ വയനാട്ടിൽ തന്നെ ഉണ്ടെന്നുള്ള വിവരത്തെ തുടർന്ന് പോലീസ് അവിടെ എത്തിയെങ്കിലും നിമിഷങ്ങൾക്ക് മുൻപ് ഇയാൾ രക്ഷപ്പെട്ടു. പിടിയിലാകുമെന്ന സൂചന ലഭിച്ചതിനെ തുടർന്നാണ് ഇയാൾ കീഴടങ്ങിയതെന്നാണ് സൂചന.സലീഷിനെ ഇന്ന് കോടതിയിൽ ഹാജരാക്കും.
ന്യൂഡൽഹി:സൗത്ത് ഡൽഹിയിലെ ഓഖ്‌ല ഫേസ് വണ്ണിലുള്ള വീട്ടിൽ പാചകവാതക സിലിണ്ടർ പൊട്ടിത്തെറിച്ചു അഞ്ചു പേർ മരിച്ചു.ഒൻപതുപേർക്കു പരിക്കേറ്റു.മൂന്ന് സ്ത്രീകളും ഒരു കുട്ടിയും ഒരു പുരുഷനുമാണ് മരിച്ചത് പരിക്കേറ്റവരെ ഡൽഹി സഫ്ദർജംഗ് ആശുപത്രിയിലും ഇ.എസ്.ഐ ആശുപത്രിയിലും പ്രവേശിപ്പിച്ചു.ബുധനാഴ്ച നടക്കേണ്ടിയിരുന്ന വിവാഹത്തിൽ പങ്കെടുക്കുന്നതിന് വേണ്ടി നിരവധി ബന്ധുക്കൾ വീട്ടിൽ എത്തിയിരുന്നു.ഇവർക്കുള്ള ഭക്ഷണം തയ്യാറാക്കുന്നതിനിടെയാണ് സിലിണ്ടർ പൊട്ടിത്തെറിച്ചത്.തിങ്കളാഴ്ച രാത്രിയായിരുന്നു സംഭവം.നാലു ഫയർഫോഴ്‌സ് എത്തിയാണ് തീയണച്ചത്.
വൈക്കം:ദമ്പതിമാരും ഒരു മകനും വീട്ടിനുള്ളിൽ പൊള്ളലേറ്റു മരിച്ച സംഭവത്തിൽ ചികിത്സയിലായിരുന്ന ഇളയ മകനും മരിച്ചു.കോട്ടയം മെഡിക്കൽ കോളേജിൽ ചികിത്സയിലായിരുന്ന ശ്രീഹരി(11) ആണ് മരിച്ചത്.തിങ്കളാഴ്ച പുലർച്ചെയായിരുന്നു സംഭവം.വീട്ടിനുള്ളിൽ നിന്നും കൂട്ടനിലവിളി കേട്ട നാട്ടുകാരാണ് സംഭവമറിയുന്നത്.നാട്ടുകാർ വാതിൽ തകർത്തു വീട്ടിനുള്ളിൽ കടക്കുകയും വെള്ളമൊഴിച്ചു തീയണയ്ക്കുകയും ചെയ്യുകയായിരുന്നു.ഗുരുതരമായി പൊള്ളലേറ്റ നാലുപേരെയും കോട്ടയം മെഡിക്കൽ കോളേജ് ആശുപത്രിയിലെത്തിച്ചെങ്കിലും അച്ഛനും അമ്മയും മൂത്ത മകനും ഇന്നലെ തന്നെ മരിച്ചിരുന്നു.
ന്യൂഡല്‍ഹി: യാത്രാകൂലി അടക്കമുള്ള നിരക്കുകളില്‍ വര്‍ധന വരുത്താൻ റെയില്‍വേ തയ്യാറെടുക്കുന്നതായി റിപ്പോര്‍ട്ട്. വര്‍ധനയ്ക്ക് പ്രധാനമന്ത്രിയുടെ ഓഫീസ് അനുമതി നൽകിയതായും സൂചന.റെയില്‍വെയുടെ സ്ഥിതി വിവരങ്ങള്‍ വിലയിരുത്താന്‍ ഏപ്രില്‍ മാസത്തില്‍ പ്രധാനമന്ത്രിയുടെ അധ്യക്ഷതയില്‍ റെയില്‍വേ മന്ത്രാലയ പ്രതിനിധികളുടെ യോഗം നിരക്ക് വര്‍ധന ചേർന്ന സംബന്ധിച്ചും ചര്‍ച്ച ചെയ്തിരുന്നു.സെപ്തംബര്‍ മുതല്‍ നിരക്കുവര്‍ധന കൊണ്ടുവരാനാണ് ഉദ്ദേശിക്കുന്നതെന്നാണ് സൂചന. എന്നാല്‍ റെയില്‍വേ ഇക്കാര്യത്തില്‍ ഇതുവരെ പ്രതികരിച്ചിട്ടില്ല.വര്‍ഷങ്ങളായി പല ക്ലാസുകളിലെയും നിരക്കുകള്‍ വര്‍ധന വരുത്താതെ തുടരുകയാണ്. മുന്‍ സര്‍ക്കാരുകളുടെ കാലത്ത് റെയില്‍വേ നിരക്കുകളില്‍ വര്‍ധന വരുത്തിയിരുന്നില്ല.കഴിഞ്ഞ വര്‍ഷം പ്രീമിയം ട്രെയിനുകളിലും എസി ക്ലാസുകളിലുംതിരക്കിനനുസരിച്ച് നിരക്കില്‍ മാറ്റംവരുന്ന വിധത്തില്‍ ചാര്‍ജ്ജ് പരിഷ്കരണം നടപ്പാക്കിയിരുന്നു. എന്നാല്‍ ജനറല്‍, നോണ്‍ എസി വിഭാഗങ്ങളില്‍ ഇത് നടപ്പാക്കിയിരുന്നില്ല.
പ്രധാനമന്ത്രി നരേന്ദ്രമോദി അമേരിക്കൻ പ്രസിഡന്റ് ഡൊണാൾഡ് ട്രംപിൽ തിങ്കളാഴ്ച കൂടിക്കാഴ്ച നടത്തും. മൂന്ന് രാജ്യങ്ങളുടെ സന്ദർശനത്തിന്റെ രണ്ടാം ഘട്ടത്തിൽ അമേരിക്കയിലാണ് അദ്ദേഹം. 1 മണിക്ക് ശേഷം കൂടിക്കാഴ്ച നടത്തും. വൈറ്റ്ഹൌസിൽ ആദ്യം പ്രധാനമന്ത്രിയായി മോഡി ഒരു ‘ജോലി അത്താഴത്തിന്’ ആതിഥ്യമരുളും. സിഇഒമാരുമായി കൂടിക്കാഴ്ച നടത്തുമ്പോൾ മോദി ഇന്ത്യയിലേക്ക് നിക്ഷേപം നടത്താൻ ആവശ്യപ്പെട്ടു. ‘ബിസിനസ്സ്-ഫ്രണ്ട്ലി ഡെസ്റ്റിനേഷൻ ആണ്, ഗെയിം മാറുന്ന നികുതി പരിഷ്കരണം പ്രാവർത്തികമാക്കിയാൽ കാര്യങ്ങൾ മെച്ചപ്പെടും.’ വെർജീനിയയിലെ ടൈസൺസ് കോർണറിലുള്ള റിറ്റ്സ് കാൾട്ടണിൽ ഇന്ത്യൻ ദേശാടനത്തെ അഭിസംബോധന ചെയ്ത് സംസാരിക്കുകയായിരുന്നു മോഡി. കഴിഞ്ഞ വർഷം ഉറി ഭീകര ആക്രമണത്തിനു ശേഷം ഇന്ത്യ നടത്തിയ സർജിക്കൽ സ്ട്രൈക്കുകളെ കുറിച്ച് സംസാരിച്ചു. ആവശ്യമുള്ളപ്പോൾ ഇന്ത്യക്ക് സ്വന്തം പ്രതിരോധത്തിൽ നിൽക്കാൻ കഴിയുമെന്ന് സ്ട്രൈക്കുകൾ തെളിയിച്ചു. അമേരിക്കയിൽ ഇറങ്ങിയതിന് ശേഷം പ്രധാനമന്ത്രി മോഡി ട്വിറ്ററിൽ ഇങ്ങനെ പറഞ്ഞു: “ഐക്യനാടുകളിലെ പ്രസിഡന്റിന് നന്ദി (പൊറ്റസ്) അങ്ങേയറ്റം സ്വാഗതം. ഡൊണാൾഡ് ട്രംപും നിങ്ങൾക്കൊപ്പം എന്റെ മീറ്റിംഗും ചർച്ചകളും പ്രതീക്ഷയോടെ കാത്തിരിക്കുക.