ന്യൂഡല്‍ഹി: ഇന്ത്യയിലെ പട്ടാളക്കാർ മാനഭംഗം നടത്തുകയാണെന്നു പറഞ്ഞ മുഖ്യമന്ത്രി സൈനികരെ മുഴുവൻ അപമാനിച്ചെന്ന് ബിജെപി സംസ്ഥാന ജനറൽ സെക്രട്ടറി ശോഭാ സുരേന്ദ്രൻ. മുഖ്യമന്ത്രി രാജ്യത്തെ പട്ടാളക്കാരുടെ മനോവീര്യത്തെ തകർത്തു. പട്ടാളക്കാരെ അപമാനിച്ച മുഖ്യമന്ത്രി രാജ്യത്തോടു മാപ്പുപറയണം.
സത്യപ്രതിജ്ഞാ ലംഘനമാണ് പിണറായി നടത്തിയതെന്നും ശോഭാ സുരേന്ദ്രൻ ആരോപിച്ചു.ഗവർണറെപ്പോലെ ഉന്നതമായ ഭരണഘടനാ പദവികളിൽ ഇരിക്കുന്നവരോട് മാന്യമായിട്ട് പെരുമാറണം എന്നുപറയുന്നതിൽ എന്തുതെറ്റാണുള്ളത്.ഗവർണർക്ക് നൽകിയ പരാതി അദ്ദേഹം മുഖ്യമന്ത്രിക്ക് കൈമാറിയതിനെ കുറിച്ചാണ് കേന്ദ്രമന്ത്രി പറഞ്ഞത്.
സൈനിക നിയമം (അഫ്സ്പ) കണ്ണൂരിൽ നടപ്പാക്കുന്നതു സംബന്ധിച്ച് മുഖ്യമന്ത്രി നിയമസഭയിൽ നടത്തിയ പരാമർശങ്ങളാണ് ശോഭാ സുരേന്ദ്രൻ ചൂണ്ടിക്കാട്ടിയത്..പിണറായി വിജയനെ പേടിയാണങ്കില്‍ ഗവര്‍ണര്‍ പദവയില്‍ നിന്ന് പി.സദാശിവം ഇറങ്ങി പോകണമെന്ന് പറഞ്ഞതില്‍ ഉറച്ച് നില്‍ക്കുന്നുവെന്നും ശോഭാസുരേന്ദ്രന്‍ മാധ്യമങ്ങളോട് പറഞ്ഞു.ഗവര്‍ണര്‍ക്ക് ഇരിക്കുന്ന കസേരയോട് നീതിപുലര്‍ത്താതിരിക്കാന്‍ സാധ്യമല്ല.
