തലശ്ശേരി∙ മലബാറുകാരുടെ ചിരകാല സ്വപ്നമായ തലശ്ശേരി – മൈസൂരു റെയിൽപാതയ്ക്കായി ജനകീയ പ്രക്ഷോഭത്തിനൊരുങ്ങുന്നു. ചില സങ്കുചിത താൽപര്യക്കാരുടെ സമ്മർദത്തിനു വഴങ്ങി മൈസൂരു പാതയെ ഗതി തിരിച്ചുവിടുന്നതിനുള്ള ശ്രമങ്ങളെ ജനങ്ങൾക്കു മുൻപിൽ എത്തിക്കുന്നതിനും പ്രദേശവാസികളുടെ പ്രതിഷേധം അറിയിക്കുന്നതിനുമായി നിരന്തര പ്രക്ഷോഭം നടത്താനാണ് തീരുമാനം.
കഠ്മണ്ഡു: ഇന്ത്യയിൽ അസാധുവാക്കപ്പെട്ട 500, 1000 രൂപ നോട്ടുകളുമായി 15 ഇന്ത്യക്കാരെ നേപ്പാളിൽ പിടികൂടി. രണ്ടുകോടി രൂപയുടെ മൂല്യമുള്ള നോട്ടുകളാണു പിടികൂടിയത്. മൊറാങ് ജില്ലയിലെ വാടകവീട്ടിൽനിന്നും കഠ്മണ്ഡുവിലെ ഹോട്ടലിൽ പാർക്ക് ചെയ്തിരുന്ന കാറിൽനിന്നുമാണ് നിരോധിക്കപ്പെട്ട കറൻസി പിടികൂടിയത്. ഇന്ത്യയിൽനിന്നു നേപ്പാളിലേക്കു കടത്തിയതാണ് ഈ നോട്ടുകളെന്നും നേപ്പാളിലെ ക്രിമിനൽ സംഘങ്ങൾക്കു കൈമാറാൻ കൊണ്ടുവന്നതാണ് ഇതെന്നും പൊലീസ്.
കൂത്തുപറമ്പ് : ഇന്ത്യൻ ഫുട്ബോൾ താരം സി.കെ.വിനീതിനു കേരള പൊലീസിൽ ജോലി നൽകണമെന്നാവശ്യപ്പെട്ട് മുഖ്യമന്ത്രിക്കു നിവേദനം. വേങ്ങാട് സാന്ത്വനം ട്രസ്റ്റ് ചെയർമാൻ പ്രദീപൻ തൈക്കണ്ടിയാണു മുഖ്യമന്ത്രി പിണറായി വിജയനും കായികമന്ത്രി എ.സി.മൊയ്തീനും ഫാക്സ് സന്ദേശം അയച്ചത്.
സ്പോർട്സ് ക്വാട്ടയിലാണ് സി.കെ.വിനീതിന് ഏജീസ് ഓഫിസിൽ ജോലി ലഭിച്ചത്. ഫുട്ബോൾ കളിക്കായി അവധി അനുവദിക്കാൻ അധികൃതർ തയാറാകുന്നില്ല. ഹാജർ ഇല്ലെന്ന കാരണത്താൽ ജോലിയിൽ നിന്നു പിരിച്ചുവിടുകയും ചെയ്തു. ഇന്ത്യൻ ഫുട്ബോൾ ടീമിൽ അംഗമായ വിനീതിനു തുണയാകാൻ സർക്കാർ അടിയന്തര നടപടി എടുത്തില്ലെങ്കിൽ നാടിന് അഭിമാനമായ ഒരു താരത്തെ സംസ്ഥാനത്തിനു നഷ്ടമാകുമെന്നു നിവേദനത്തിൽ പറഞ്ഞു.
പയ്യന്നൂർ ∙ കഴിഞ്ഞ ദിവസം പിടികൂടിയ ലഹരി വസ്തുക്കളുടെ മഹസർ തയാറാക്കുന്ന തിരക്കിനിടയിൽ എക്സൈസ് ഓഫിസിലേക്ക് എക്സൈസ് കമ്മിഷണർ ഋഷിരാജ് സിങ് തന്നെ കയറി വന്നപ്പോൾ പയ്യന്നൂർ റേഞ്ച് എക്സൈസ് ഓഫിസിനകത്തെ എക്സൈസുകാർ ആദ്യമൊന്ന് അമ്പരന്നു. എങ്കിലും ഉന്നത ഓഫിസർക്ക് മുന്നിൽ അവരുടെ അന്ധാളിപ്പുകളെല്ലാം നിമിഷനേരം കൊണ്ട് മാറ്റിയെടുത്ത് ഔപചാരികമായി അവർ വരവേറ്റു. പിടിച്ചെടുത്ത ലഹരി വസ്തുക്കൾ കണ്ടപ്പോൾ ഉദ്യോഗസ്ഥരെ അഭിനന്ദിച്ചുകൊണ്ടാണ് കമ്മിഷണർ അവർക്കൊപ്പം ചർച്ച തുടങ്ങിയത്. മഴക്കാലം കള്ളവാറ്റ് വർധിക്കുന്ന കാലമാണ്. അതുകൊണ്ടു തന്നെ ആ സന്ദർഭത്തിൽ ഉദ്യോഗസ്ഥരെയൊന്ന് സജ്ജരാക്കാനാണ് ഈ വരവെന്നും കമ്മിഷണർ മാധ്യമ പ്രവർത്തകരോട് പറഞ്ഞു.
മട്ടന്നൂര്‍: വ്യാഴാഴ്ച മട്ടന്നൂരില്‍ പകര്‍ച്ചപ്പനി ബാധിച്ച് രണ്ടുപേരെക്കൂടി ആസ്പത്രിയില്‍ പ്രവേശിപ്പിച്ചു. മട്ടന്നൂരില്‍ വീണ്ടും ഡെങ്കിപ്പനി പരത്തുന്ന കൊതുകുലാര്‍വകളെ കണ്ടെത്തി. മട്ടന്നൂരിലെ കനാല്‍ക്കര കുഞ്ഞിപ്പള്ളിക്ക് സമീപം പണിതുകൊണ്ടിരിക്കുന്ന ഇരു നിലക്കെട്ടിടത്തിന്റെ ഉടമയ്‌ക്കെതിരേ ആരോഗ്യവിഭാഗം ക്രിമിനല്‍ കെസെടുത്തു. വ്യാഴാഴ്ച രാവിലെ മട്ടന്നൂരിലെ ആരോഗ്യവിഭാഗം നടത്തിയ പരിശോധനയിലാണ് കെട്ടിടത്തിനകത്തെ നിര്‍മാണത്തിലിരിക്കുന്ന സെപ്റ്റിക് ടാങ്കും ശുചിമുറിയുടെ നിര്‍മാണത്തിനായി ഒരുക്കിയ പത്തോളം കോണ്‍ക്രീറ്റ് കുഴികളും പരിശോധിച്ചപ്പോള്‍ നിരവധി ഈഡിസ് കൊതുക് ലാര്‍വകളെ കണ്ടെത്തുകയായിരുന്നു. ഇതിനെത്തുടര്‍ന്ന് ഉടമയ്‌ക്കെതിരേ ക്രിമിനല്‍ കേസെടുക്കാന്‍ ആരോഗ്യവിഭാഗം തീരുമാനിക്കുകയായിരുന്നു.
കണ്ണൂര്‍: കേന്ദ്രത്തില്‍ ഭരണംനടത്തുന്ന നരേന്ദ്രമോദി ഗവണ്‍മെന്റ് വികസനകാര്യത്തില്‍ നടത്തുന്നത് വെറും വാചകക്കസര്‍ത്ത് മാത്രമാണെന്ന് മുന്‍ മന്ത്രി കെ.സുധാകരന്‍ പറഞ്ഞു. കേരളത്തില്‍ ഭരിക്കാനറിയാത്ത മുഖ്യമന്ത്രിക്കും മന്ത്രിമാര്‍ക്കും എം.എല്‍.എ.മാരുടെ ചോദ്യങ്ങള്‍ക്ക് ഉത്തരം നല്കാന്‍പോലും കഴിയുന്നില്ലെന്നും ഇത് ജനാധിപത്യ സംവിധാനത്തിനുതന്നെ അപമാനകരമാണെന്നും കെ.സുധാകരന്‍ ചൂണ്ടിക്കാട്ടി.
കണ്ണൂര്‍: കൊച്ചി മെട്രോയുടെ ഉദ്ഘാടനം പ്രധാനമന്ത്രി നരേന്ദ്രമോദി തന്നെ നിര്‍വഹിക്കുമെന്ന് മുഖ്യമന്ത്രി പിണറായി വിജയന്‍ വ്യക്തമാക്കി. മെട്രോയുടെ ഉദ്ഘാടനതീയതി സര്‍ക്കാര്‍ തീരുമാനിച്ചിട്ടില്ലെന്നും അദ്ദേഹം കൂട്ടിച്ചേര്‍ത്തു.മെട്രോ ഉദ്ഘാടനത്തിനായി ഇന്ത്യന്‍ പ്രധാനമന്ത്രിയെയാണ് ക്ഷണിച്ചത്. പ്രധാനമന്ത്രി അദ്ദേഹത്തിന്റെ തിരക്കിട്ട പരിപാടികള്‍ക്കിടയില്‍ മെട്രോ ഉദ്ഘാടനത്തിനായി സമയം മാറ്റി വയ്ക്കും എന്നാണ് പ്രതീക്ഷിക്കുന്നത്. ഇതിനായി പ്രധാനമന്ത്രിയുടെ ഓഫീസുമായി സര്‍ക്കാര്‍ നിരന്തരബന്ധം പുലര്‍ത്തുന്നുണ്ട്. മെയ് മുപ്പതിന് കൊച്ചി മെട്രോയുടെ ഉദ്ഘാടനം നടക്കുമെന്നുള്ളത് തെറ്റായ വാര്‍ത്തയാണ് – മുഖ്യമന്ത്രി പറഞ്ഞു.
കൊച്ചി മെട്രോയുടെ ഉദ്ഘാടനം മന്ത്രി കടകംപള്ളി സുരേന്ദ്രൻ പ്രഖ്യാപിച്ചത് പോലെ മെയ് 30 ന് ഉണ്ടാകില്ലെന്നും തിയതി നിശ്ചയിച്ചിട്ടില്ലെന്നും തിയതി നിശ്ചയിച്ചിട്ടില്ലെന്നും മുഖ്യമന്ത്രിയുടെ ഓഫീസ് അറിയിച്ചു.
പ്രധാനമന്ത്രിക്ക് സൗകര്യപ്രദമായ തീയതിയില്‍ ഉദ്ഘാടനം നടത്തുവാനാണ് സംസ്ഥാന സര്‍ക്കാര്‍ ശ്രമിക്കുന്നത്. ഏപ്രിൽ 11 ന് പ്രധാനമന്ത്രിയെ ക്ഷണിച്ച് കത്തയച്ചുവെങ്കിലും ഇതുവരെ മറുപടി ലഭിച്ചിട്ടില്ലെന്നും മുഖ്യമന്ത്രിയുടെ ഓഫീസ് അറിയിച്ചു.
തിരുവനന്തപുരം∙ ഇന്ത്യന്‍ കോഫി ഹൗസുകളില്‍ ഇനി പത്രം എന്ന നിലയില്‍ ദേശാഭിമാനിക്ക് മാത്രം സ്ഥാനം. .കോഫി ബോര്‍ഡ് ഭരണസമിതി പിരിച്ചുവിട്ട് ഇടതുസര്‍ക്കാര്‍ നിയോഗിച്ച അഡ്മിനിട്രേറ്ററാണ് ഈ ഉത്തരവിറക്കിയത്. കോഫീ ബോര്‍ഡ് ഓഫിസുകളിലും പാര്‍ട്ടി പത്രം മാത്രമേ ഇനിയുണ്ടാകൂ, ഈ മാസം ഒന്നുമുതലാണ് ഉത്തരവ് നടപ്പാക്കിയത്. കോഫി ഹൗസ് ഭരണസമിതി പിരിച്ചുവിട്ട നടപടിയില്‍ സര്‍ക്കാരിനെതിരെ തെറ്റിദ്ധാരണ ജനപ്പിക്കുന്ന വാര്‍ത്തകളാണ് മറ്റുപത്രങ്ങള്‍ പ്രസിദ്ധീകരിച്ചതെന്നും ദേശാഭിമാനി മാത്രമാണ് സര്‍ക്കാര്‍ നിലപാടിനൊപ്പം നിന്നതെന്നുമാണ് ഉത്തരവില്‍ പറയുന്നു.
ന്യൂഡല്‍ഹി: കൊച്ചി മെട്രോയുടെ ഉദ്ഘാടനം പ്രധാനമന്ത്രിയുടെ സമയം ചോദിക്കാതെ ഉദ്ഘാടനം തീരുമാനിച്ചതാണ് ഇപ്പോള്‍ വിവാദമാകുന്നത്. മെയ് 30 ന് മെട്രോ ഉദ്ഘാടനം ചെയ്യാനാണ് സംസ്ഥാന സര്‍ക്കാര്‍ തീരുമാനിച്ചിരിക്കുന്നത്. ഉദ്ഘാടനത്തിനായി പ്രധാനമന്ത്രിയെ ക്ഷണിച്ചിരുന്നു. എന്നാല്‍ മെയ് 29 മുതല്‍ ജൂണ്‍ നാലുവരെ പ്രധാനമന്ത്രി യൂറോപ്പ് പര്യടനത്തിലാണ്. ഒന്നരമാസം മുമ്പ് നിശ്ചയിച്ചതാണ് വിദേശ പര്യടനം. ജര്‍മനി, സ്‌പെയിന്‍, റഷ്യ രാജ്യങ്ങളിലേക്കാണ് പ്രധാനമന്ത്രി പോകുന്നത്. ജൂണ്‍ അഞ്ച്, ആറ് തിയതികളില്‍ ഒഴിവുണ്ടെന്ന് മുഖ്യമന്ത്രിയുടെ ഓഫീസിനെ അറിയിച്ചിരുന്നുവെന്നാണ് സൂചന. എന്നാല്‍ പ്രധാനമന്ത്രിക്കായി കാക്കാതെ സംസ്ഥാന സര്‍ക്കാരിന്റെ വാര്‍ഷികദിനത്തില്‍ തന്നെ ഉദ്ഘാടനം ചെയ്യാനാണ് സര്‍ക്കാര്‍ തീരുമാനം.
വിഷയത്തില്‍ സംസ്ഥാന സര്‍ക്കാര്‍ അനാവശ്യ വിവാദമുണ്ടാക്കുന്നുവെന്നാണ് ബിജെപിയുടെ ആരോപണം. സര്‍ക്കാരിന്റെ പിടിവാശിയാണ് ഉദ്ഘാടനം മെയ് 30 ന് തന്നെ തീരുമാനിച്ചതെന്ന് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍ ആരോപിച്ചു.
തിരുവനന്തപുരം: മലയാള ചലചിത്രരംഗത്തെ വനിതാപ്രവര്‍ത്തകകരുടെ സംഘടനയായ വിമന്‍ ഇന്‍ സിനിമാ കളക്ടീവ് എന്ന സംഘടനാ പ്രവര്‍ത്തനത്തെ സംബന്ധിച്ച് ഡബ്ബിംഗ് ആര്‍ട്ടിസ്റ്റ് ഭാഗ്യലക്ഷമിയും നടിയും ആക്ടിവിസ്റ്റുമായ മാലാ പാര്‍വ്വതിയും രംഗത്ത്. സംഘടനയുടെ രൂപീകരണം സംബന്ധിച്ച ചര്‍ച്ചകളില്‍ താനുണ്ടായിരുന്നെങ്കിലും യോഗം ചേരുന്നത് സംബന്ധിച്ചോ മുഖ്യമന്ത്രിയെ കാണുന്നതിനെക്കുറിച്ചോ തന്നെ അറിയിച്ചിരുന്നില്ല. ഭാഗ്യലക്ഷ്മി തന്റെ പ്രതിഷേധം അറിയിച്ചു. സംഘടനയുമായി സഹകരിക്കണോ എന്ന കാര്യത്തെ സംബന്ധിച്ച് ഭാഗ്യലക്ഷമി അഭിപ്രായം രേഖപ്പെടുത്തിയിട്ടില്ല. ഇങ്ങനെയൊരു സംഘടന ഉണ്ടായതില്‍ സന്തോഷമുണ്ടെന്ന് അവര്‍ ചൂണ്ടിക്കാട്ടി.
തന്നെ ഒഴിവാക്കിയതിന് പിന്നില്‍ രാഷ്ട്രീയ കാരണമുണ്ടാകാമെന്നാണ് പാര്‍വതിയുടെ സംശയം. തന്നെയടക്കമുള്ളവരെ സഹകരിപ്പിച്ചാല്‍ മുഖ്യമന്ത്രിയില്‍ നിന്നും നല്ല പ്രതികരണം ലഭിക്കില്ലെന്ന് കരുതിയാവാം ഒഴിവാക്കിയതെന്നും പാര്‍വതി പറയുന്നു. പ്രശസ്തരായവര്‍ മാത്രമാണ് ഇപ്പോള്‍ മുഖ്യമന്ത്രിയെ കണ്ടിരിക്കുന്നത്. സംഘടനുമായി സഹകരിക്കുന്ന കാര്യത്തിലൊന്നും ഇപ്പോള്‍ അഭിപ്രായം പറയാനാവില്ലെന്നും പാര്‍വ്വതി പറഞ്ഞു.