മൊഹാലി:മൊഹാലിയിൽ നാലാം ദിവസത്തെ ഇന്ത്യ-ക്രിക്കറ്റ് ടെസ്റ്റിൽ ഇന്ത്യ ഇംഗ്ലണ്ടിനെ 8 വിക്കറ്റിന് പരാജയപ്പെടുത്തി.
ഇതോടെ അഞ്ചു പരമ്പരകൾ അടങ്ങിയ മത്സരത്തിൽ ഇന്ത്യ 2-0 നു മുന്നിലാണ്.
എട്ടു വർഷങ്ങൾക്കു ശേഷം ടെസ്റ്റ് ടീമിലേക്കു തിരിച്ചെത്തിയ പാർഥിവ് പട്ടേലിന്റെ ആക്രമണം ഇംഗ്ലണ്ടിന് ചെറുത്തു നിൽക്കാൻ ആയില്ല.
ഇന്നലെ നടന്ന മൂന്നാം ദിന മത്സരത്തിൽ രവീന്ദ്രജഡേജയും ജയന്ത് യാദവും അർദ്ധ സെഞ്ച്വറി നേടിക്കൊണ്ട് ഇന്ത്യയെ ഉയർന്ന സ്കോറിലേക്കു എത്തിച്ചിരുന്നു.
രവീന്ദ്രജഡേജയും ജയന്ത് യാദവും നാല് വിക്കറ്റ് വീതം നേടി.
കൊളംബിയ:ഫുട്ബോൾ ടീം അടക്കം 72 പേര് യാത്ര ചെയ്തു കൊണ്ടിരുന്ന വിമാനം കൊളംബിയ വെച്ച് തകർന്നു.
പ്രാദേശിക ടൂർണമെന്റിന് വേണ്ടി പോകുന്ന ബ്രസിലിയൻ താരങ്ങൾ ആയിരുന്നു വിമാനത്തിൽ ഉണ്ടായിരുന്നത്.
ബൊളീവിയയിൽ നിന്നും മെഡലിൻസ് ഇന്റർനാഷണൽ എയർപോർട്ടിലേക്കു പോകുകയായിരുന്ന വിമാനം ആണ് തകർന്നത്.
ജമ്മു:ചൊവ്വാഴ്ച്ച നടന്ന ഭീകരാക്രമണത്തിൽ രണ്ട് ജവാന്മാർ കൊല്ലപ്പെട്ടു.രണ്ടു പേർക്ക് പരിക്ക്.മരിച്ചവരിൽ ഒന്ന് മേജറും ഒന്ന് ജവാനുമാണ്.
ജമ്മുവിൽ നിന്ന് 20 കി.മീ അകലെ ശ്രീനഗർ-ജമ്മു ഹൈവേയിൽ ഉള്ള പട്ടാള ക്യാമ്പിന് നേരെയായിരുന്നു ആക്രമണം.
ആക്രമണം ഇപ്പോഴും തുടരുകയാണ്.ജമ്മുവിന് 20 കി.മീ ചുറ്റും നിന്നായി നെഗ്രോട്ടയിലുള്ള ക്യാമ്പിന് നേരെ ഗ്രാനെയ്ഡ് എറിയുകയായിരുന്നു.
മൂന്ന് ഭീകരർ ക്യാമ്പിനുള്ളിൽ നുഴഞ്ഞു കയറിട്ടുണ്ട് എന്നാണ് റിപ്പോർട്ട്.
മൊഹാലി:മൊഹാലിയിൽ നടക്കുന്ന ഇന്ത്യ-ഇംഗ്ലണ്ട് മൂന്നാം ടെസ്റ്റിൽ ഒന്നാം ഇന്നിങ്സിൽ 417 റൺസിന്‌ ഇന്ത്യ പുറത്ത്.രവീന്ദ്ര ജഡേജ 90 റൺസും അശ്വിൻ 72 റൺസും നേടി.
ഇതോടെ ഇന്ത്യക്ക് 134 റൺസിറൺസിന്റെ ലീഡ്.രവീന്ദ്ര ജഡേജ അശ്വിനും ജയന്ത് യാദവിനും കൂടെ ചേർന്ന് 72 റൺസ് നേടി.
രണ്ടാം ഇന്നിങ്സിൽ ബാറ്റ് ചെയ്യുന്ന ഇംഗ്ലണ്ടിന്റെ താരം ബെൻ സ്റ്റോക്കിന്റെ വിക്കറ്റ് അശ്വിന്റെ കൈകളിൽ ഒതുങ്ങി.ഇംഗ്ലണ്ടിന് ഇപ്പോൾ 4 വിക്കറ്റ് നഷ്ടത്തിൽ 72 റൺസ് മാത്രമാണ് നേടാനായത്.ഇതോടെ ഇന്ത്യയുടെ വിജയ സാധ്യത കൂടിയിരിക്കുകയാണ്.
ന്യൂഡൽഹി:ഇന്ന് രാജ്യമെങ്ങും ആക്രോശ് ദിൻ.കറൻസി ബാനിനെതിരെ ഇന്ന് രാജ്യത്തെങ്ങും പ്രതിപക്ഷം ആക്രോശ് ദിൻ പ്രഖ്യാപിച്ചതനുസരിച്ച് പാർലിമെന്റ് വളപ്പിൽ ഗാന്ധി പ്രതിമയ്ക്ക് ചുറ്റും നിന്ന് കോൺഗ്രസ് നേതാവ് രാഹുൽഗാന്ധിയുടെ നേതൃത്വത്തിൽ നരേന്ദ്ര മോദിക്കെതിരെയും ഗവൺമെന്റിനെതിരെയും പ്രതിപക്ഷം മുദ്രാവാക്യം വിളിച്ചു.
പ്രധാനമന്ത്രി ഞങ്ങളോട് സംസാരിക്കണം എന്ന് രാഹുൽ ഗാന്ധി പറഞ്ഞു.
നവംബർ 8 നു പെട്ടെന്നുണ്ടായ കറൻസി നിരോധനത്തിൽ ജനങ്ങൾ കോപാകുലരാണെന്ന് പ്രതിപക്ഷ നേതാവ് ഗുലാം നബി ആസാദ്.
ഗവൺമെന്റിന്റെ നടപടിയോട് നിങ്ങൾക്ക് പരാതിയുണ്ടെങ്കിൽ ഞങ്ങൾ ചർച്ച ചെയ്യാൻ തയ്യാറാണ്,സത്യസന്ധതയെ സംശയിക്കരുത്.പ്രധാനമന്ത്രി ലോക്സഭയിൽ വരണം എന്നാണെങ്കിൽ അദ്ദേഹവും ചർച്ച ചെയ്യും,അത്യാവശ്യം വന്നാൽ ഇടപെടുകയും ചെയ്യും എന്ന് ഹോം മിനിസ്റ്റർ രഞ്ജിത്ത് സിംഗ് പ്രതികരിച്ചു.
മോദിയെ ഇന്ത്യയുടെ രാഷ്ട്രീയത്ത് നിന്ന് തന്നെ തുടച്ചു നീക്കണം എന്ന് വെസ്റ്റ് ബംഗാൾ മുഖ്യമന്ത്രി മമതാ ബാനർജി അഭിപ്രായപ്പെട്ടു.
പലയിടത്തും ട്രാഫിക് കുരുക്ക് അനുഭവപ്പെട്ടു.വേറെ പ്രശ്നങ്ങൾ ഒന്നും തന്നെ ഉണ്ടായതായി റിപ്പോർട്ട് ചെയ്യപ്പെട്ടിട്ടില്ല.
ന്യൂഡൽഹി: ഇന്ത്യയുടെ സാമ്പത്തിക വ്യവസ്ഥ തകരാറിൽ.രാജ്യത്തെ 86% ശതമാനം നോട്ടുകളും റദ്ധാക്കിയതിന്റെ ഫലം.യാധൊരു മുന്നൊരുക്കവുമില്ലാതെ രാജ്യത്തെ 500,1000 രൂപ നോട്ടുകൾ പിൻവലിക്കുകയായിരുന്നു പ്രധാനമന്ത്രി നരേന്ദ്രമോദി.
അതിനു പകരമായി ഇറങ്ങിയ 2000 രൂപ നോട്ടുകളും ഉടൻ പിൻവലിക്കാനാണ് സാധ്യത.പെട്ടെന്ന് അടിച്ചിറക്കിയ ഈ നോട്ടുകളിൽ സുരക്ഷാ സംവിധാനങ്ങൾ കുറവാണ്,500 രൂപ നോട്ടുകളിലും പല അച്ചടിപ്പിശകുകളും ഉണ്ട്.
രൂപയുടെ മൂല്യം മൂന്നര വർഷത്തിലെ ഏറ്റവും കുറഞ്ഞ നിരക്കിലേക്ക് കൂപ്പുകുത്തിയിരിക്കുന്ന ഒരിക്കലും പ്രതീക്ഷിക്കാത്ത അവസ്ഥയിലേക്കാണ് രാജ്യം എത്തിപ്പെട്ടിരിക്കുന്നത്.
ആവശ്യത്തിനുള്ള നോട്ടുകൾ എടിഎം കൗണ്ടറുകളിൽ ഇനിയും എത്തിയിട്ടില്ല.
ഇതിനെയൊക്കെ തുടർന്ന് റിസേർവ് ബാങ്ക് ഗവർണർ ഊർജിത് പട്ടേൽ രാജിവെച്ചേക്കുമെന്നു സൂചനയുണ്ട്.അദ്ദേഹം ഇതിനു സന്നദ്ധത പ്രകടിപ്പിച്ചിട്ടുണ്ട് എന്നാണു റിപ്പോർട്ട്.
എല്ലാത്തിന്റെയും കുറ്റം ഊർജിത് പട്ടേലിന്റെ പേരിലിട്ട് തലയൂരാൻ നേതാക്കൾ മോദിയോട് ആവശ്യപെട്ടിട്ടുണ്ട് എന്നും റിപോർട്ടുണ്ട്.
ഇന്ത്യയിലെ ബാങ്ക് ജീവനക്കാരുടെ ഏറ്റവും വലിയ സംഘടനയായ ഓൾ ഇന്ത്യ ബാങ്ക് എംപ്ലോയീസ് അസോസിയേഷനും റിസേർവ് ബാങ്ക് ഗവർണറുടെ രാജി ആവശ്യപ്പെട്ടു രംഗത്തെത്തിയിട്ടുണ്ട്.
ജനങ്ങളുടെ ദുരിതം കൂടാതെ രൂപയുടെ മൂല്യവും ഏറ്റവും കുറഞ്ഞ നിരക്കിലേക്കു താണ് പോയത് രാജ്യത്തെ വളരെ പ്രതിസന്ധിയിലാക്കും എന്ന് ജിയോജിത് പാരിബ സർവീസ് ഗവേഷണ വിഭാഗം മേധാവി വിനോദ് നായരും അഭിപ്രായപ്പെട്ടു.
നാഭ:പഞ്ചാബ് നാഭ ജയിലിൽ നിന്നും ഇന്നലെ രക്ഷപെട്ട ഖലിസ്ഥാൻ ഭീകരനെ പിടികൂടി.ഖലിസ്ഥാൻ ലിബറേഷൻ ഫോർസ് തലവൻ കൂടിയാണ് ഇയാൾ.ഡൽഹി പൊലീസാണ് ഇയാളെ പിടികൂടിയത്.
ഞായറാഴ്ച്ച നാഭ ജയിലിൽ പോലീസ് വേഷം ധരിച്ചെത്തിയ പത്തു ആയുധധാരികൾ എത്തി ഹർമിന്ദർ സിംഗ് മിന്റുവിനെയും വേറെ നാല് ഭീകരരെയും രക്ഷപ്പെടുത്തുകയായിരുന്നു.
പത്തു തീവ്രവാദ കേസുകളിലെ പ്രതിയാണ് ഹർമിന്ദർ സിംഗ് മിന്റു.2014 നവംബറിൽ ഡൽഹി എയർപോർട്ടിൽ വെച്ചായിരുന്നു ഇയാളെ പിടികൂടിയിരുന്നത്.
രക്ഷപെട്ട മറ്റു ഭീകരരെ ഇത് വരെ പിടികൂടാൻ കഴിഞ്ഞിട്ടില്ല.
തിരുവനന്തപുരം:സംസ്ഥാനത്തു എൽഡിഎഫ് ഹർത്താൽ തുടങ്ങി.ഇന്ന് രാവിലെ ആറ്‌ മുതലാണ് ഹർത്താൽ.കേന്ദ്രസർക്കാറിന്റെ നോട്ട് നിരോധനത്തിൽ പ്രതിഷേധിച്ചാണ് രാജ്യവ്യാപകമായി ഇടത് പക്ഷ പാർട്ടികൾ ഹർത്താലിന് ആഹ്വാനം ചെയ്തത്.
ബാങ്കുകളെയും ശബരിമല,ഗുരുവായൂർ തീർത്ഥാടന കേന്ദ്രങ്ങളെയും ഹർത്താലിൽ നിന്നും ഒഴിവാക്കിയിട്ടുണ്ട്.
സ്വകാര്യ ബസ്സുകൾ പൂർണമായും, കെഎസ്ആർസിടി ബസുകൾ ഭാഗികമായും സർവ്വീസ് നടത്തുന്നുണ്ട്. മിക്കവാറും ജില്ലകളിലും വ്യാപാര വ്യവസായ സ്ഥാപനങ്ങൾ ഒന്നും തന്നെ തുറന്ന് പ്രവർത്തിച്ചില്ല.
റെയിൽവേ സ്റ്റേഷനുകളിലും ബസ്റ്റാന്റുകളിലും Read more
മുംബൈ:കറൻസി നിരോധനം കൊണ്ട് ജനങ്ങൾക്കുണ്ടായ ബുദ്ധിമുട്ടു കുറക്കാൻ ആർബിഐ നടപടികൾ എടുക്കും എന്ന് ആർബിഐ ഗവർണർ ഊർജിത് പട്ടേൽ.
എത്രയും പെട്ടെന്ന് തന്നെ എല്ലാ കാര്യങ്ങളും സാധാരണ ഗതിയിലാകും.നോട്ട് നിരോധനത്തിന് ശേഷം ആദ്യമായാണ് ഊർജിത് പട്ടേൽ പ്രതികരിക്കുന്നത്.
കാശ് ഉപയോഗിച്ച് ട്രാന്സാക്ഷന്സ് നടത്തുന്നതിന് പകരം ഡെബിറ്റ് കാർഡും,ഡിജിറ്റൽ വാലറ്റ്സും ഒക്കെ ഉപയോഗിച്ച് ശീലിക്കണം.അത് സമയം ലാഭിപ്പിക്കും,എല്ലാം എളുപ്പമാക്കുകയും ചെയ്യും.
പുതിയങ്ങാടി:കുട്ടികൾ ഓമ്നി വാൻ കണ്ട മാത്രയിൽ തന്നെ ഓടുന്ന അവസ്ഥയിൽ എത്തിയിരിക്കുകയാണ്. ഇന്ന് പുതിയങ്ങാടി കർട്ടൺ തൊഴിലാളികൾ ഓമ്നി വാനിൽ എത്തിയത് കണ്ടു അവിടെ ഉണ്ടായിരുന്ന കുട്ടികൾ, തട്ടികൊണ്ടു പോകുവാൻ എത്തിയ സംഘമാണ് എന്ന് കരുതി ഓടുകയാണ് ഉണ്ടായത്‌.ഇത് കണ്ട നാട്ടുകാർ തെറ്റിദ്ധരിച്ച് തൊഴിലാളികളെ പിടികൂടി.
ഓമ്നി വാനിൽ എത്തിയവരെ നാട്ടുകാർ കൈയേറ്റം ചെയ്തു.പിന്നീട് പൊലീസ് എത്തി ചോദ്യം ചെയ്തപ്പോഴാണ് നിരപരാധികൾ ആണെന്ന് മനസ്സിലായത്. കർട്ടൻ പണി എടുത്തതിന്റെ പണം വാങ്ങുവാൻ വന്നതായിരുന്നു സംഘം.
നാട്ടിൽ തട്ടി കൊണ്ട് പോകൽ വാർത്തകൾ ഇപ്പോൾ സോഷ്യൽ മീഡിയകളിൽ സാധാരണമായിരിക്കുകയാണ്. പലപ്പോഴും ഓമ്നി വാൻ ആണ് ഇതിനു ഉപയോഗിക്കുന്നത് എന്നത് കൊണ്ടാകാം കുട്ടികൾ ഓമ്നി വാൻ കാണുമ്പോൾ തന്നെ ഭയപെടുന്നത്. ഓമ്നി വാൻ ഉടമസ്ഥരും ഡ്രൈവർമാരും ഇത്തരം സംഭവങ്ങളെ തുടർന്ന് ഭയചകിതരാണ്. തട്ടി കൊണ്ട് പോകൽ കൂടുന്നത് കൊണ്ട് ഇപ്പോൾ എടുത്ത് എവിടെയും പോകാൻ പറ്റാത്ത അവസ്ഥയാണ് എന്ന ദു:ഖത്തിലാണവർ.
കുറച്ചു ദിവസങ്ങൾക്കു മുൻപ് കാസർഗോഡ് നിന്നും ഉള്ള ഒരു വിദ്യാർത്ഥിയെ വീട്ടിൽ നിന്നും പഠന സ്ഥലത്തേക്കു മടങ്ങുന്ന വഴി കാണാതായിട്ടും ഇത് വരെ ഒരു വിവരവും ലഭിച്ചില്ല. ഇത്തരം സംഭവങ്ങൾ കേരളത്തിലുടനീളം നടക്കുന്നതായാണ് സോഷ്യൽ മീഡിയകൾ നൽകുന്ന സൂചന. കുട്ടികളെ സ്കൂളിലേക്ക് വിടാൻ മാതാപിതാകളിലും ഭയം ഉണ്ടായിരിക്കുന്ന ഈ സന്ദർഭത്തിൽ അധികൃതർ തന്നെ നേരിട്ട് ഇടപെടണമെന്നും വ്യാജ വാർത്തകളാണെങ്കിൽ അവ പ്രചരിപ്പിക്കുന്നതിനെതിരെ നടപടി എടുക്കണം എന്നും തടിച്ചു കൂടിയ നാട്ടുകാർ ആവശ്യപ്പെട്ടു.