ബെയ്ജിങ് : കിഴക്കന്‍ ചൈനയിലെ ഴെജിയാങ് പ്രൊവിന്‍സിലെ നിംഗ്‌ബോ ജില്ലയിലെ ഫാക്ടറിയില്‍ ഉണ്ടായ വന്‍ തീപിടിത്തത്തില്‍ 19പേര്‍ക്ക് ദാരുണാന്ത്യം.മൂന്ന് പേര്‍ക്ക് ഗുരുതരമായി പരിക്കേറ്റു. നിങ്ഹായ് കൗണ്ടിയില്‍ പ്രവര്‍ത്തിക്കുന്ന ഫാക്ടറിയില്‍ ഇന്നലെയാണ് തീപിടിത്തമുണ്ടായത്.പ്രാദേശിക സമയം ഉച്ചക്ക് ഒരു മണിയോടെയായിരുന്നു അപകടമെന്ന് വിദേശ മാധ്യമം റിപ്പോര്‍ട്ട് ചെയ്യുന്നു. പ്രദേശവാസികളുടെ സഹായത്തോടെ തീയണക്കാന്‍ ശ്രമിച്ചുവെങ്കിലും 19 പേര്‍ കൊല്ലപ്പെട്ടതായി അധികൃതര്‍ അറിയിച്ചു.