മധ്യപ്രദേശ്:ഇൻഡോറിലെ പ്രശസ്തമായ മഹാരാജ യശ്വന്ത് റാവു സർക്കാർ ആശുപത്രിയിൽ ഓക്സിജൻ വിതരണം നിലച്ചതിനെ തുടർന്ന് രണ്ടു കുട്ടികൾ ഉൾപ്പെടെ 17 പേര് മരിച്ചു.പുലർച്ചെ മൂന്നു മണിക്കും നാലുമണിക്കും ഇടയിൽ ആശുപത്രിയിലെ കേന്ദ്രികൃത ഓക്സിജൻ വിതരണ സംവിധാനം തകരാറിലായതാണ് ദുരന്തത്തിന് കാരണം.14 മിനിറ്റോളം ഓക്സിജൻ വിതരണം തടസപ്പെട്ടു. എന്നാൽ വലിയ ആശുപത്രികളിൽ ഇത്തരം സംഭവങ്ങൾ സാധാരണമാണെന്നും ഓക്സിജൻ വിതരണത്തിൽ തകരാറുണ്ടായിട്ടില്ലെന്നും ആശുപത്രി ഡിവിഷണൽ കമ്മിഷണർ സഞ്ജയ് ദുബെയുടെ ന്യായീകരണം.1400 കിടക്കകളുള്ള ആശുപത്രിയിൽ ദിവസേന 10 മുതൽ 20 വരെ മരണങ്ങൾ ഉണ്ടാകുന്നതു സാധാരണമാണെന്നും അധികൃതർ വിശദീകരിക്കുന്നു.