കൊച്ചി:ശബരിമല തീര്ഥാടകർ സഞ്ചരിച്ച വാന് അപകടത്തില്പ്പെട്ട് 16 പേർക്ക് പരിക്കേറ്റു. ഇടപ്പള്ളി – വൈറ്റില ബൈപ്പാസിലെ ചക്കരപ്പറമ്പ് ജംങ്ഷന് സമീപം ചൊവ്വാഴ്ച രാത്രി പത്തരമണിയോടെയാണ് അപകടം നടന്നത്. റിവേഴ്സ് എടുക്കുകയായിരുന്ന ഒരു ലോറിയിലേക്ക് വാന് ഇടിച്ച് കയറുകയായിരുന്നു. ഡ്രൈവര് ഉള്പ്പെടെ മൂന്ന് പേരുടെ നില ഗുരുതരമാണ്.തമിഴ്നാട്ടിലെ സേലത്ത് നിന്നുള്ള 15 അംഗ അയ്യപ്പഭക്ത സംഘവും ആന്ധ്ര രജിസ്ട്രേഷനിലുള്ള വാഹനത്തിന്റെ ഡ്രൈവറുമാണ് വാനിലുണ്ടായിരുന്നത്. പരിക്കേറ്റവരെ ആസ്റ്റര് മെഡിസിറ്റി ആശുപത്രിയില് പ്രവേശിപ്പിച്ചു.ഇതില് ഡ്രൈവറുടേയും മറ്റ് രണ്ടുപേരുടെയും നില ഗുരുതരമാണ്.