കൊല്‍ക്കത്ത: പശ്ചിമ ബംഗാളിലെ ജല്‍പല്‍ഗുരിയിലുണ്ടായ വാഹനാപകടത്തില്‍ നാല് കുട്ടികള്‍ ഉള്‍പ്പടെ പതിമൂന്ന് പേര്‍ മരിച്ചു. പതിനെട്ട് പേര്‍ക്ക് ഗുരുതരമായി പരിക്കേറ്റു. മൂടല്‍മഞ്ഞാണ് അപടകടത്തിന് കാരണമെന്ന് പൊലീസ് അറിയിച്ചു. ദേശീയപാതയില്‍ ചൊവ്വാഴ്ച രാത്രിയാണ് അപകടം നടന്നത്.പിക്കപ്പ് വാനും രണ്ടുകാറുകളുമാണ് അപകടത്തില്‍പ്പെട്ടത്. മൂടല്‍ മഞ്ഞിനെത്തുടര്‍ന്ന് ദേശീയ പാതയില്‍ കാഴ്ച അവ്യക്തമായിരുന്നു.നിയന്ത്രണം നഷ്ടപ്പെട്ട പിക്കപ്പ് വാന്‍ എതിര്‍ദിശയില്‍ നിന്ന് വന്ന കാറുകളില്‍ ഇടിച്ചു കയറുകയായിരുന്നു. അപകടത്തില്‍ ഗുരുതരമായി പരിക്കേറ്റവരെ വിവിധ ആശുപത്രികളിലേക്ക് മാറ്റി.അപകടത്തില്‍ പ്രധാനമന്ത്രി നരേന്ദ്രമോദി ദുഃഖം രേഖപ്പെടുത്തി. മരിച്ചവരുടെ കുടുംബത്തിന് പ്രധാനമന്ത്രി രണ്ടുലക്ഷം രൂപ ധനസഹായവും പ്രഖ്യാപിച്ചിട്ടുണ്ട്.