കണ്ണൂർ:കണ്ണൂരില്‍ അവകാശികളില്ലാതെ ഒന്നേകാല്‍ ലക്ഷം രൂപ റോഡരികിൽ നിന്നും കളഞ്ഞു കിട്ടി.പണം പോലീസ് കോടതിക്ക് കൈമാറി.മാര്‍ച്ച്‌ 13ന് രാവിലെയാണ് കണ്ണൂര്‍ കളക്‌ട്രേറ്റിനു മുന്നില്‍ നിന്ന് പാതിരിയാട് സ്വദേശി കീഴത്തൂര്‍ മോഹനന് റോഡരികിൽ നിന്നും പണമടങ്ങിയ പൊതി കളഞ്ഞു കിട്ടിയത്. തുടര്‍ന്ന് അദ്ദേഹം അത് പോലീസിനെ ഏല‍്‍പ്പിക്കുകയും ചെയ്തു. എന്നാല്‍ പോലീസില്‍ ഏല്‍പ്പിച്ച്‌ ഇത്ര ദിവസം കഴിഞ്ഞിട്ടും ഉടമസ്ഥൻ എത്താത്തതിനെ തുടര്‍ന്ന് പോലീസ് അത് കോടതിയില്‍ ഹാജരാക്കി. കളഞ്ഞുകിട്ടിയ പണത്തെക്കുറിച്ച്‌ പത്രത്തിലൂടെ പോലീസ് പൊതുജനങ്ങളെ അറിയിച്ചു. എന്നാല്‍ ഇതന്വേഷിച്ച്‌ യഥാര്‍ഥ ഉടമ എത്താത്തതിനെ തുടര്‍ന്ന് ഇന്ന് രാവിലെ പോലീസ് പണം തളിപ്പറമ്പ് കോടതിക്ക് കൈമാറുകയായിരുന്നു.