മട്ടന്നൂർ: കണ്ണൂർ അന്താരാഷ്ട്ര വിമാനത്താവളം വാണിജ്യാടിസ്ഥാനത്തിൽ പ്രവർത്തനം ആരംഭിക്കാൻ മാസങ്ങൾ ശേഷിക്കെ മട്ടന്നൂർ – കണ്ണൂർ റോഡ് വീതി കൂട്ടി നവീകരിക്കുന്ന പ്രവർത്തി ആരംഭിച്ചു. മേലെ ചൊവ്വ മുതൽ മട്ടന്നൂർ ജങ്ങ്ഷൻ വരെയാണ് റോഡ് നവീകരിക്കുന്നത്. ഇരുപത്തി മൂന്ന് കിലോമീറ്ററോളം വരുന്ന റോഡാണ് പത്തരക്കോടിയോളം രൂപ ചിലവഴിച്ച് നവീകരിക്കുന്നത്.
വിമാനത്താവളത്തിലേക്കുള്ള മേലെ ചൊവ്വ – മട്ടന്നൂർ റോഡ് നവീകരിക്കുന്നതോടെ യാത്രക്കാർക്ക് ഏറെ സൗകര്യമാകും. റോഡ് നവീകരണം പൂർത്തിയായാൽ കണ്ണൂർ റെയിൽവേ സ്റ്റേഷനിൽ നിന്ന് അര മണിക്കൂർ കൊണ്ട് വിമാനത്താവളത്തിലെത്താം. മെയ് 31 നു മുൻപ് തന്നെ പണി പൂർത്തീകരിക്കുമെന്ന് അധികൃതർ അറിയിച്ചു.