വിശാഖപട്ടണം: ഒന്നാം ടെസ്റ്റിൽ അൽപ്പം പതറിയെങ്കിലും രണ്ടാം ടെസ്റ്റിൽ അതുഗ്രൻ വിജയവുമായി ഇന്ത്യ ഇംഗ്ലണ്ടിനെ 246 റൺസിന്‌ പരാജയപ്പെടുത്തി.
ഇംഗ്ലണ്ട് രണ്ടാം ഇന്നിങ്സിൽ 158 റൺസിന്‌ ഓൾ ഔട്ട് ആവുകയായിരുന്നു. മൂന്ന് വിക്കറ്റ് വീതം നേടിയ ജയന്ത് യാദവ്, ആർ അശ്വിൻ ഇന്ത്യയുടെ വിജയ തിളക്കത്തിന് കാരണമായി. മുഹമ്മദ് ഷമിയും രവീന്ദ്ര ജഡേജയും രണ്ടു വിക്കറ്റ് നേടിക്കൊണ്ട് ഇന്ത്യയ്ക്ക് വിജയം കൊയ്തു.
34 റൺസ് നേടി പുറത്താകാതെ നിന്ന വിക്കറ്റ് കീപ്പർ ജോൺ ബെയിർസ്റ്റോ അവസാന ദിനം വരെ പൊരുതി.
87/2 എന്ന നിലയിലാണ് ഇംഗ്ലണ്ട് അഞ്ചാം ദിവസം കളി തുടങ്ങിയത്. പതിനാറാം പന്തിൽ ബെൻ ഡക്കറ്റ് പുറത്തായതോടെ ഇംഗ്ലണ്ടിന്റെ തോൽവി തുടങ്ങി.7 ബാറ്റസ്മാൻമാർ രണ്ടക്കത്തിനുള്ളിൽ ഒതുങ്ങി ഇന്ത്യൻ താരങ്ങൾക്കു മുന്നിൽ പതറി.
അഞ്ച് മത്സരങ്ങൾ അടങ്ങിയ പരമ്പരയിൽ ഇന്ത്യ 1-0 നു മുന്നിലെത്തി.സെഞ്ച്വറിയും അർദ്ധ സെഞ്ച്വറിയും നേടിയ ഇന്ത്യൻ ക്യാപ്റ്റൻ വിരാട്കോഹ്‌ലിയാണ് മാൻ ഓഫ് ദി മാച്ച്.
സ്കോർ:ഇന്ത്യ ഒന്നാം ഇന്നിംഗ്സ് 455,രണ്ടാം ഇന്നിംഗ്സ് 204. ഇംഗ്ലണ്ട് ഒന്നാം ഇന്നിംഗ്സ് 255, രണ്ടാം ഇന്നിംഗ്സ് 158.